Kолумбискиот играч за врска Хамес Родригез би можел да биде ново засилување за калчолигашот Рома, најавуваат медиумите во Италија. Фудбалерот моментално е член на катарскиот Ал Рајан, но клубот се обидува да го продаде. Играчот неодамна одбил две понуди од Јужна Америка бидејќи сака да игра во Европа.
Хамес Родригез има 30 години и верува дека се уште може да игра на врвно ниво во Европа, каде што веќе играше за Порто, Реал Мадрид, Баерн Минхен и Евертон.
За него Рома е идеална опција, бидејќи повторно ќе работи под водство на португалскиот стручњак Жозе Мурињо, со кого е во добри односи.
