Стивен Бергвајн денеска потпиша петгодишен договор со Ајакс. Трансферот на 24-годишниот играч е вреден 31.250.000 евра, објави „Би-Би-Си“ и е најголем во историјата на холандскиот фудбал.
Холандскиот фудбалер сакаше да го напушти Тотенхем откако не успеа да се избори за поголема минутажа кај тренерот Антонио Конте. По доаѓањето на Иван Перишиќ и на Ришарлисон, тој почувствува дека ќе биде вишок во лондонскиот тим.
Бергвајн, кој играше за Ајакс во помладите категории, се пресели во Тотенхем во јануари 2020 година од ПСВ Ајндховен. За лондонскиот клуб одигра 83 натпревари и постигна осум гола.
