Златан Ибрахимовиќ ќе потпише нов договор со Милан, но со многу помала плата од досегашната. Шведскиот напаѓач по успешната сезона и освоена титула со Милан, замина на операција на коленото за да ги санира проблемите што ги имаше во текот на шампионатот.
Милан ќе му го продолжи договорот за една сезона, а тој ќе заработува околу еден милион евра. Во договорот има и бонуси според бројот на голови и асистенции што би ги имал Швеѓанецот во дресот на „росонерите“.
До минатата сезона, Златан Ибрахимовиќ заработуваше околу 7 милиони евра годишно.
