Тиквеш го претстави Даниел Карчески

Македонскиот прволигаш Тиквеш го ангажираше левиот страничен фудбалер на Победа, Даниел Карчески. Тој потпиша едногодишен договор со кавадаречкиот тим и веднаш се стави на располагање на тренерот Влатко Костов.

Карчески беше еден од столбовите во играта на Победа во Втората лига Исток и успеа со прилепскиот состав да обезбеди промоција во елитата. Сепак, сега ја прифати понудата на Тиквеш и се пресели во Кавадарци.