Англискиот премиерлигаш Манчестер Јунајтед нема намера да му дозволи на Кристијано Роналдо да го напушти „Олд Трафорд“ ова лето. Португалската ѕвезда има уште една година од договорот, а новиот менаџер Ерик тен Хаг му објаснил на Роналдо дека е многу важен во неговата селекција за претстојната сезона и очекува да остане.
Роналдо сака да замине затоа што Манчестер Јунајтед нема да игра во Лигата на шампионите во новата сезона, а тој сака да го има тој предизвик, бидејќи нема пропуштено ниедна сезона во елитното европско натпреварување од 2003 година.
