Ливерпул испрати понуда за играчот од средниот ред на Реал Мадрид, Марко Асенсио. Договорот на 26-годишниот фудбалер истекува за една година и тој одбива да потпише нов со „кралскиот клуб“. Затоа Реал е подготвен да се раздели со него, а „црвените“ се чини дека ја користат ситуацијата за да го земат во своите редови.
Асенсио не е задоволен од тоа што има статус на резерва на „Сантијаго Бернабеу“. Сезонава одигра 31 натпревар во Ла Лига, но на 12 од нив влезе како замена. Ова е и причината поради која сака да си замине.
Сепак, Шпанецот сака да замине во тим каде што ќе игра редовно, а неизвесно е дали Јирген Клоп може да му гарантира такво нешто со оглед на позициите што во тимот ги имаат Мохамед Салах, Диого Жота, Луис Дијаз и Роберто Фирмино.
Ливерпул не е единствениот кандидат за Асенсио. Досега се шпекулираше дека го бара италијанскиот шампион Милан. Покрај тоа, Манчестер Јунајтед и Челси исто така ја следат ситуацијата и можеби ќе наддаваат за неговиот потпис.
Реал Мадрид е подготвен да го пушти Асенсио доколку добие понуда од околу 40 милиони евра. Фудбалерот сака плата од 7 милиони евра годишно во својот нов клуб.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski