Англискиот премиерлигаш Манчестер Јунајтед се надева дека до крајот на оваа седмица ќе го финализира трансферот на Френки де Јонг. „Црвените ѓаволи“ ги засилиле преговорите со Барселона нудејќи фиксна сума од 65 милиони евра, плус бонуси од 10 милиони. Претходната понуда на англискиот клуб вредна 60 милиони евра веќе е одбиена.
Од „Олд Трафорд“ се оптимисти дека овојпат ќе се постигне договор и Барса ќе каже „да“. Дури и да се случи тоа, не е јасно дали самиот играч ќе биде подготвен да игра за Манчестер Јунајтед, со оглед дека следната сезона нема да биде дел од ЛШ.
Френки де Јонг истакна дека е среќен во Барселона и му се допаѓа стилот на игра на тимот под водство на Чави Хернандез. Барселона како дел од пакетот го побарала Хари Мегваер, но добила негативен одговор.
