Ѓоре Јовановски нов тренер на Кожуф

Поранешниот македонски селектор Ѓоре Јовановски ќе биде нов тренер на второлигашот Кожуф. Тој се договори со раководството на гевгелискиот клуб да го преземе тимот за новата сезона во единствената Втора лига.

Еден од најтрофејните тренери во Македонија сигурно значително ќе го подигне нивото на работа, а се очекуваат и неколку нови засилувања.