Македонскиот прволигаш Работнички утре ги почнува подготовките за новата сезона во Првата фудбалска лига. Со нов шеф на стручниот штаб и со амбиции за многу поуспешна сезона од минатата сезона.
Љупчо Марковски Калц ја доби довербата на раководството да ги предводи „романтичарите“ во новиот шампионат. Тој утре од 18 часот во клупската база ќе ја изврши првата прозивка на фудбалерите, а потоа ќе биде одработен и првиот тренинг.
Засега ново име во редовите на Работнички е голманот Игор Алексовски, поранешниот младински репрезентативец, кој дојде од Ренова.
