Проектот на Брегалница со ангажманот на Илчо Ѓорѓиоски за нов шеф на стручниот штаб се чини дека ќе заврши многу брзо. По само шест месеци соработка, а непосредно пред стартот на летните подготовки, кој всушност беше закажан за вчера, доаѓа до разделба. Причината е некомпатибилноста меѓу амбициозноста на тренерот и тоа што може да го исполни и го планира штипскиот прволигаш од друга страна.
Досега Брегалница не успеа да доведе некои позначајни имиња ова лето, а Мартин Стојанов се пресели во Бугарија, заминаа уште неколку фудбалери, па тимот ќе претрпи големи промени. Единствено ново име е Ѓорѓи Ѓорѓиев од Борец.
Останува да се види кој ќе дојде на местото на Илчо Ѓорѓиоски на тренерската позиција. Во игра се Александар Васоски, Жикица Тасевски, Јане Николоски и уште неколку тренерски имиња од Македонија.
