Македонскиот прволигаш Тиквеш ги почна летните подготовки за новата сезона во Првата фудбалска лига. Шефот на стручниот штаб Влатко Костов ја изврши прозивката, ги запозна фудбалерите со планот и програмата за работа, а потоа беше одржан и првиот тренинг.
Првиот дел од подготовките ќе биде одработен во Кавадарци, потоа ќе се замине надвор од градот за реализација на втората фаза, а ќе бидат одиграни неколку пријателски натпревари.
Раководството на клубот паралелно работи на ангажман на неколку засилувања кои набрзо треба да пристигнат во кавадаречкиот прволигаш.
