Ѓурковски една година во Тиквеш

Македонскиот прволигаш Тиквеш го ангажираше дефанзивецот Александар Ѓурковски. Тој минатата сезона беше позајмен од Шкупи во тимот од Кавадарци, а сега откако стана слободен агент, потпиша едногодишен договор со Тиквеш.

Откако тимот обезбеди опстанок во баражот, за следната сезона има поголеми амбиции.

Стартот на подготовките за новата сезона тренерот Влатко Костов го закажа за 22 јуни, среда, на Градскиот стадион во Кавадарци.