Среќен ждреб за Шкупи: Линколн е првиот ривал во ЛШ

Македонскиот првак Шкупи ќе игра против Линколн Ред Импс од Гибралтар во првото квалификациско коло во Лигата на шампионите. Денешниот ждреб во Нион беше среќен за тимот од Чаир.

Фудбалерите на Гоце Седлоски ги избегнаа Шериф, Слован Братислава, Карабах и го добија релативно најлесниот ривал, Линколн од Гибралтар.

На првиот меч Шкупи ќе биде домаќин на 5/6 јули, додека реваншот е седмица подоцна.