Ливерпул одигра 1-1 против Тотенхем на „Енфилд Роуд“ и можеби потклекна во трката за шампионската титула во Премиер – лигата. Но, менаџерот Јирген Клоп вели дека е задоволен од изданието на тимот.
„Навистина сум задоволен од настапот и горд на менталитетот што го покажаа момците против неверојатно добар противник со план за игра. Неколку работи денеска беа на високо ниво, пресинот беше извонреден. Но, тие постигнаа гол и моравме да останеме смирени, а да го зголемиме притисокот, што е голем предизвик“, рече Клоп.
Тој смета дека играњето на секои три дена е маката на Ливерпул во овој момент.
„Очигледно не е резултатот што го сакавме, но перформансите беа такви што впечатокот е добар. Неверојатно е тешко да се игра против противник со играчи од светска класа и менаџер од светска класа кога имаа седум дена да се подготват, а ние играме на секои три дена“, истакна менаџерот на Ливерпул.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski