Барселона договори речиси се со големиот талент Гави и се очекува во наредните денови младиот играч за врска да стави потпис на продолжување на договорот кој истекува следното лето. Агентот на играчот, инаку култниот играч на Барселона, Иван де ла Пења, изрази задоволство од напредокот на преговорите.
Гави ќе добие зголемување на платата која според неофицијални извори сега изнесува околу 6 милиони евра годишно. Новиот договор би можел да биде двојно поголем, пренесуваат шпанските медиуми.
Многу важна за Барселона е отштетната клаузула. Ќе биде астрономска како и на некои други фудбалери кои ги продолжија договорите на „Камп Ноу“ и ќе изнесува една милијарда евра. Досегашната отштетна клаузула во договорот на Гави изнесуваше 50 милиони евра.
17-годишното чудо од дете оваа сезона одигра 42 натпревари во сите натпреварувања. Тој постигна два гола во првенството и има шест асистенции.
