Уругвајскиот интернационалец Единсон Кавани призна дека направил грешка што останал на „Олд Трафорд“ и оваа сезона. Тој речиси и да немаше минутажа откако дојде Кристијано Роналдо.
„Кога трансферот на Роналдо стана факт, помислив дека тоа е добро за клубот. Но, познавајќи го денешниот фудбал првото што го направив, му се јавив на брат ми и му реков дека веќе нема време за трансфер. Ако Роналдо дојдеше малку порано, веројатно јас ќе потпишев за друг клуб. Треба секогаш добро да се анализира ситуацијата“, изјави Кавани.
Единсон Кавани ова лето сигурно ќе го напушти Манчестер Јунајтед, а негова следна дестинација треба да биде Ла Лига.
