Реал Мадрид со сензационален пресврт успеа да го елиминира Манчестер Сити и се пласира во финалето на Лигата на шампионите. Херои на „кралевите“ беа Родриго и Бензема, но во продолженијата одлична игра прикажа и младиот 19-годишен Едуардо Камавинга.
Откако влезе во игра, тој ја презеде играта во средниот ред и почна да доминира со серија врвни потези.
Флорентино Перез во последните денови од летниот преоден рок му плати на Рен 31 милион евра и сега се покажува дека тоа е еден од врвните потези на „кралот“ на трансферите.
Камавинга игра за француската репрезентација, а роден е во Ангола, поточно во бегалски камп во таа земја, откако неговите родители Селестино и Софија избегаа од Конго, каде што траеше граѓанска војна. Со родителите и браќата и сестрите пристигна во Франција на двегодишна возраст, а детството го помина во Фугерезе.
Нова животна несреќа Камавинга го снајде на 13 години. Сè што изградија неговите родители исчезна. Пожар ја зафатил семејната куќа, изгорело се, вклучително и важни документи клучни за добивање француско државјанство.
„Ќе работам напорно за да станам професионален фудбалер и да им купам нов дом на моите родители“, е ветувањето што тогаш си го даде малиот Едуардо.
Помалку од седум години подоцна, Едуардо е таму каде што сакаше да биде. На 19 години стигна до најгламурозниот клуб на светот и полека во свои раце ги зема клучевите од средниот ред на славниот Реал.
Во Лига 1 настапуваше за Рен со кој се стекна и со статус на француски репрезентативец. Со 17 години, 9 месеци и 27 дена стана најмладиот фудбалер кој некогаш го облекол дресот на сениорскиот тим на „триколорите“.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski