Белгискиот интернационалец Дрис Мертенс е пред потпис на нов договор со клубот, по средбата со претседателот на Наполи, Аурелио Де Лаурентис, објавија италијанските медиуми.
Мертенс е најдобар стрелец на клубот, а тој би потпишал нов договор со значително намалување на платата.
„Кориере дело спорт“ пренесува дека претседателот на Наполи и Мертенс разговарале за новиот договор на средба која траела еден час.
Мертенс моментално заработува 4,5 милиони евра по сезона, а во договорот има опција за продолжување, која Наполи нема да ја активира. Наместо тоа, Мертенс треба да потпише нов договор со Наполи вреден 1,2 милиони евра по сезона плус бонуси.
