Реал Мадрид загуби со 4-3 на „Итихад“ во првиот полуфинален меч од Лигата на шампионите. Минималниот пораз и трите постигнати гола против Манчестер Сити му даваат надеж на тренерот Карло Анчелоти дека „кралевите“ можат до ново финале во елитното клупско натпреварување.
„Љубителите на фудбалот уживаа. Беше вистински спектакл со седум гола. За нас беше ужасно на стартот, примивме два брзи гола, но и кога беше најтешко овој тим покажа дека може да се издигне. Постигнавме три гола и сега имаме залет за финале. Ќе биде тешко и на реваншот, но сега тие треба да дојдат во Мадрид“, изјави Карло Анчелоти.
Реваншот се игра за осум дена на „Сантијаго Бернабеу“.
