Босанскиот интернационалец Миралем Пјаниќ, кој се уште е под договор со Барселона, би можел да стане играч на Интер, тврди „Мундо Депортиво“.
По завршувањето на позајмицата во Бешикташ, Пјаниќ треба да се врати во каталонскиот клуб, но Барселона планира да го продаде.
Интер тоа сака да го искористи и да го доведе на „Џузепе Меаца“. Директорот Џузепе Марота и Пјаниќ веќе соработуваа во Јувентус, па релациите би можеле да бидат обновени и во Милано. Пјаниќ би можел да биде идеална замена во средниот ред по заминувањето на Артуро Видал.
