Манчестер Сити мораше да издржи вистинска тортура на реваншот против Атлетико Мадрид за да се пласира во полуфиналето на Лигата на шампионите. По ремито без голови, крајот на натпреварот го одбележаа грди сцени во кои предничеа црногорскиот дефанзивец Стефан Савиќ и хрватскиот репрезентативец Шиме Врсаљко.
Савиќ започна мешаница на тревникот, а Врсаљко по натпреварот се обиде да ги нападне гостинските играчи во тунелот.
„Фудбалерите на Атлетико се однесуваа невкусно. Треба да се срамат од глупостите што ги направија. Кога зборуваме за фудбал, тогаш морам да му честитам на Атлетико затоа што го натераа Сити да игра онака како што не сме ги виделе долго време. Ги извадија од ритам. Сепак, работите кон крајот на натпреварот не се она што сакаме да го видиме“, коментираше легендарниот Рио Фердинанд.
Слично размислува и Овен Харгрејвс.
„Манчестер Сити беше мирен и покажа класа, а Атлетико Мадрид на крајот се посрамоти. Играјте убав фудбал! Честитки за Сити, тоа беше одлична изведба и многу, многу тежок натпревар“, рече Харгрејвс.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski