Најтрофејниот македонски клуб Вардар денеска (16 часот) има тешко гостување во Гостивар, во 22. коло од Втората лига Запад. Сепак, вардарци немаат други избор, само триумф ќе ги одржи во трката за втората позиција на табелата која носи бараж за пласман во елитата.
Воска љубоморно го чува второто место, а денеска има многу полесна задача со оглед дека му гостува на последнопласираниот тим на Кадино.
Лидерот Силекс оди на мегдан кај Велешта, а Тетекс на домашен терен ја пречекува Беса. Охрид ќе биде домаќин на Кораби.
