Десетте најскапи ѕвезди кои нема да играат на СП во Катар

Македонија нема да биде дел од мундијалот, се сопна на последната пречка, Кристијано Роналдо и неговите сонародници од Португалија беа пресилни во Порто за нашиот национален тим. Но, и многу поголеми ѕвезди од македонските репрезентативци не обезбедија пласман на Светското првенство.
Најскапиот фудбалер во светот кој не обезбеди учество на мундијалот е младиот голгетер на Борусија Дортмунд и на репрезентацијата на Норвешка – Ерлинг Халанд кој е проценет на 150 мил. евра.
По него следува ѕвездата на Ливерпул и на Египет чија трансферна вредност изнесува 100 милиони евра. Во Топ 5 се и тројца Италијанци на кои им пресуди Македонија, Федерико Киеза од Јувентус (70 милиони евра), Николо Барела од Интер (70 милиони евра) и Џанлуиџи Донарума од Пари Сен Жермен (65 милиони евра)

1. Ерлинг Хaланд (Борусија Дортмунд/Норвешка) – 150 милиони евра
2. Мохамед Салах (Ливерпул/Египет) – 100 милиони евра
3. Федерико Киеза (Јувентус/Италија) – 70 милиони евра
4. Николо Барела (Интер/Италија) – 70 милиони евра
5. Џанлуиџи Донарума (ПСЖ/Италија) – 65 милиони евра
6. Милан Шкриниар (Интер/Словачка) – 65 милиони евра
7. Виктор Осимен (Наполи/Нигерија) – 60 милиони евра
8. Алесандро Бастони (Интер/Италија) – 60 милиони евра
9. Јан Облак (Атлетико Мадрид/Словенија) – 60 милиони евра
10. Вилфред Ндиди (Лестер/Нигерија) – 60 милиони евра