Поранешниот холандски напаѓач Руд ван Нистелрој ќе биде нов тренер на ПСВ Ајндховен о следната сезона. Договорот е потпишан до 2025 година и ќе стапи на сила од почетокот на следната сезона, соопшти ПСВ преку официјалниот сајт.
Актуелниот тренер Роџер Шмид ќе си замине на крајот од сезоната. Во моментов ПСВ Ајндховен е на второто место на табелата во холандскиот шампионат со 64 бода од 27 натпревари.
Поранешниот напаѓач е дел од ПСВ од 2016 година. За овој период беше тренер на неколку младински тимови на ПСВ Ајндховен. Ван Нистелрој има искуство и во репрезентацијата на Холандија каде што беше помошник тренер.
