Дефанзивецот на Вардар, Коста Манев, реши да си замине од таборот на „црвено-црните“ потпишувајќи едногодишен договор со екипата на Вележ од Мостар.
„Можеме да потврдиме дека постигнавме договор за соработка со 26-годишниот Коста Манев, кој стави потпис на договорот со важност до крајот на сезоната 2019/2020. Му посакуваме на Манев многу здравје, среќа и успех во настапите за нашиот клуб“ – објави прволигашот на БиХ на својата веб-страница.
Коста Манев своето детство го минал во Финска, каде ја почнува и професионалната кариера носејќи го дресот на Викингит, Клуби 04, ПК 35, Хонка и Интер Турку.
