Актуелниот првак Шкендија е во низа од два натпревари без победа во Првата фудбалска лига по што тимот на Бруно Акраповиќ го загуби и второто место на табелата, а оптимизмот за шампионската титула делува веќе нереален. Тетовскиот тим денеска (15 часот) го пречекува Тиквеш на домашен терен и е пред императив да оствари триумф.
„Треба да ги заборавиме последните два натпревари и да се фокусираме на продолжението од првенството. Со натпреварот против Тиквеш влегуваме во третата фаза од првенството и дефинитивно мораме да им се вратиме на победите. Наша цел во овие последни 11 натпревари што преостануваат е да собереме максимален број бодови. Серијата победи треба да започне од денешниот натпревар против Тиквеш“, вели дефанзивецот Меџит Незири.
Тиквеш знае како да „украде“ бод од Тетово, го стори тоа минатиот пат кога и гостуваше на Шкендија.
Македонија ЃП е победничка машинерија оваа пролет, а „лавовите“ ќе се обидат да го гризнат и Скопје на денешната пресметка во Ѓорче Петров.
Академија Пандев го пречекува тимот на Струга Трим Лум во Струмица, а Брегалница е домаќин на Борец. Утре ќе играат Ренова и Пелистер.
Вчера, Шкупи го совлада Работнички со 2-0, во првиот натпревар од 23. коло во Првата фудбалска лига.
ДВОЈКИ ПРВА ЛИГА, 23.КОЛО (15 Ч.)
ШКЕНДИЈА – ТИКВЕШ
АКАДЕМИЈА ПАНДЕВ – СТРУГА ТРИМ ЛУМ
МАКЕДОНИЈА ЃП – СКОПЈЕ
БРЕГАЛНИЦА – БОРЕЦ
РЕНОВА – ПЕЛИСТЕР (УТРЕ, 15 Ч.)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski