Вардар едвај извлече победа (1-0) над Охрид во првиот меч од третиот круг во шампионатот во Втората лига Запад. На враќањето дома, на Арената „Тодор Проески“, вардарци долго се мачеа да го пробијат гостинскиот бункер. На крајот тоа му успеа на Вилдан Керим во 85.минута.
„Комитите“ имаа и порака за своите милници. Тие не се задоволни од изданијата на вардарци, па затоа на западната трибина се појави и нов транспарент.
„Дур се вее наша мотка, сакаме борба за секоја топка“, им порачаа најверните фанови на фудбалерите на Вардар.
