Вардар се враќа на Арената, првпат како второлигаш

Најтрофејниот македонски клуб Вардар повторно се враќа дома, на арената „Тодор Проески“. В сабота ќе го пречека тимот на Охрид на нашиот најголем стадион. Ова со оглед дека Работнички е гостин на Шкупи, па арената е слободна за користење.

На мечот против Охрид вардарци за првпат ќе настапат како второлигаш на арената „Тодор Проески“.

Почнува третиот круг од првенството во Втората лига Запад, а Вардар е третопласиран со 34 бода, пет помалку од Воска и 12 бода помалку од лидерот Силекс.