Работнички со реновиран состав и со нов тренер, Александар Влахо, е во потрага по првите бодови во новата сезона, откако загуби на отворањето на шампионатот од новиот прволигаш Струга Трим Лум. Шкупи има три бода по триумфот против Борец на стартот, но посакува да продолжи со позитивни резултати против „романтичарите“. На крајот од минатата сезона, во фотофиниш, Шкупи оствари голем триумф против Работнички за излез на европската сцена.
Сето ова дава дополнителен шарм на првиот натпревар од второто коло во Првата фудбалска лига на Македонија, кој ќе се одигра денеска, со почеток во 17 часот, на арената „Тодор Проески“.
Работнички ќе биде засилен со новото име во навалната линија Станиша Крстевски кој дојде од Црвена Звезда и немаше право на настап во првото коло. Тренерот Александар Влахо очекува многу подобра реализација, сегментот во кој потфрли неговиот тим на гостувањето во Струга.
Шкупи се надева дека повторно може да извлече поволен резултат. Тренерот Умит Каран нема да може да смета на Бесар Исени.
ПРВА ЛИГА, ДВОЈКИ – 2.КОЛО
РАБОТНИЧКИ – ШКУПИ (сабота, 17 ч.)
РЕНОВА – СТРУГА ТРИМ ЛУМ (недела, 17 ч.)
СИЛЕКС – ШКЕНДИЈА
БОРЕЦ – ВАРДАР
МАКЕДОНИЈА ЃП – АКАДЕМИЈА ПАНДЕВ
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski