Силекс освои џиновски три бода земајќи го скалпот на Шкендија, со што кратовци уште повеќе ја продлабочија огромната криза во која се наоѓа актуелниот првак.
Тетовци можат да жалат за пропуштените шанси во првото полувреме, за кои казната стигна на самиот старт од вториот дел, со евроголот што го постигна Филип Дурански. Играчот за врска на Силекс одлично се снајде и со удар од над 25 метри го совлада немоќниот Захов, носејќи радост на малубројните навивачи на стадионот во Кратово.
