Пелистер е во слободен пад, статистички еден од најслабите прволигашки тимови во Европа оваа сезона, а дополнителен проблем е снегот во Битола кој го одложи вчерашниот меч против Ренова. Денеска „зелените“ ќе бидат домаќини во Охрид каде има многу подобри услови за натпреварување.
Пелистер одамна го држи само надежта, погледот кон табелата јасно покажува дека речиси е сигурен второлигаш.
Ренова ќе сака тоа да го искористи и да се врати во победнички ритам, откако во минатото коло беше изненадена од Македонија ЃП во Тетово.
Останатите натпревари од 21.коло во Првата лига се одиграа викендот, а постигнати се следните резултати: Шкендија – Академија Пандев 0-0, Шкупи – Тиквеш 3-2, Скопје – Работнички 0-1, Борец – Струга ТЛ 0-1, Македонија ЃП – Брегалница 2-1.
