Поранешниот капитен на Вардар, Бобан Грнчаров, е нов член на стручниот штаб на Никола Глигоров. Тој треба да биде засилување на клупата откако тимот ремизираше без голови против Охрид, а има амбиции да се врати во елитата.
Грнчаров последен пат беше во клубот, исто така како асистент, кога Вардар испадна од Првата лига, во периодот кога шеф на стручниот штаб беше Никола Илиевски – Џиџи.
Грнчаров како фудбалер на Вардар има преку 100 настапи за првиот тим, а беше член на генерацијата која што за првпат избори пласман во групната фаза на Лигата на Европа.
