Најтрофејниот македонски фудбалски клуб Вардар киксна уште на самиот старт од пролетниот дел од првенството. Тимот што го предводи Никола Глигоров ремизираше без голови против Охрид, а на овон меч му претходела и клупска недисциплина.
Двајца фудбалери на Вардар се забележани во обложувалница, како се фокусираат на казино апарати, наместо на натпреварот. Тие се суспендирани.
„Фудбалскиот клуб Вардар сака да ја информира јавност дека е поведена дисциплинска постапка против двајца фудбалери од првиот тим поради прекршување на дисциплнискиот статут на клубот пред последниот одигран натпревар на гостувањето во Охрид. Фудбалерите се парично казнети со 3 месечни плати и во следните 15 денови ќе тренираат со младинските категории“, соопштија од Вардар.
