Ренова е едно од пријатните изненадувања на стартот од новата сезона во Првата македонска фудбалска лига. „Гипсарите“ со седум бода од првите три кола, заедно со Академија Пандев, се двете најуспешни екипи на почетокот од новиот шампионат.
Во дербито на 4. коло денеска од 16:30 часот во Тетово, Ренова сега дефинитивно посакува триумф против Вардар за преземање на врвот и бодовно израмнување со „пандевци“. Свесни се во таборот на тимот од Џепчиште дека ги очекува тешка задача, без разлика што Вардар е со подмладени сили сезонава, но се максимално подготвени, како што велат, да дојдат до трите бода.
„Јасно е дека не чека тежок натпревар. Вардар го покажа сиот свој квалитет на претходниот натпревар против Работнички. Но, со максимална борба веруваме во нов позитивен резултат“ – велат од таборот на Ренова.
ПМФЛ – 4. КОЛО (денеска, 16:30 ч.)
Тетово: РЕНОВА – ВАРДАР
ВЧЕРА
РАБОTНИЧКИ – АК. ПАНДЕВ 1-2
СТРУГА ТЛ – ШКУПИ 1-1
БОРЕЦ – ШКЕНДИЈА 1-0
СИЛЕКС – МАКЕДОНИЈА ЃП 3-4
