Втора лига Исток: Победа убедлива, Слога Виница сигурна против Пехчево

Победа оствари убедлив триумф (1-4) против Братство Житоше на дуелот на кој само формално беше гостин. Адтхе Мазари постигна хет – трик, а погоди и Филип Димоски за составот на Победа. Единствениот гол за Братство беше дело на Ахмет Реџепи.

Слога Виница исто така почна победнички, со триумф од 2-1 против Пехчево на домашен терен. Јордановски и Иванов беа стрелци на головите за виничани.

Каменица Саса го совлада Кожуф со 1-0 со голот на Дарко Алексовски од пенал во 90.минута, а Беласица беше сигурна на гости (0-3) против Осогово. Коцев, Радојчиќ и Трајков беа стрелци за гостите.

Детонит го совлада тимот на Локомотива со 1-3 на гостински терен.