Втора лига Запад: Воска го напаѓа Кадино, Вардар во освојување на Охрид

Ќе биде навистина „жешко“ на Западот. Почнува пролетниот дел од сезоната, а во него Силекс влегува како лидер и најголем кандидат за враќање во елитата. Кратовци денеска го пречекуваат реновираниот Гостивар на домашен терен, но се чини дека многу поинтересна ќе биде битката за втората позиција.

Воска и Вардар многу се засилија. Тимот на Раде Цицмиловиќ гостува кај Кадино, додека вардарци исто така се гости, но во Охрид.

„Мислам дека сме подготвени за стартот на првенството. Направивме многу силен тим за овој дел од првенството, но секако дека нема да ги потценуваме противниците. Почнувајќи од мечот со Кадино, на секој натпревар одиме на победа зошто сакаме да го продолжиме патот кон Првата лига“, вели искусниот напаѓач на Воска, Изаир Емини.

Тетекс слави 69 години од постоењето, а на домашен терен го пречекува Кораби. Беса исто така значително се засили и на пролетната премиера ќе го пречека тимот на Велешта.