Членот на „златната младинска“ генерација, Виктор Ангелов, дојде во Академија Пандев како замена за Мартин Мирчевски. На три дена пред стартот на пролетта, тимот на Академија Пандев добива квалитетно засилување во нападот за вториот дел од сезоната.
Тој доаѓа од редовите на романскиот прволигаш Волунтари. Членот на младата репрезентација на Македонија до 21 година која во 2017 година се пласираше на Европското првенство во Полска, во кариерата настапуваше и за Работнички, Металург, Тетекс, Шкупи, како и за Ујпешт и за Широки Брег.
