Македонскиот стратег Југослав Тренчовски ќе го продолжи својот престој во Кувајт и во наредните две години. Тој потпиша нов двегодишен договор со Ал Араби, 17-кратниот шампион на оваа земја.
Тренчовски е координатор на младинската школа на клубот и тренер на вториот тим на Ал Араби. Замина пред четири месеци, веднаш се докажа со својата работа и раководството на клубот му предложи нова соработка.
Југослав Тренчовски долги години беше дел од Академија Пандев, го предводеше до најголемите успеси во клупската историја.
