Македонскиот репрезентативец Ѓоко Зајков е нов член на украинскиот прволигаш Ворскла. Тој потпиша договор на две и пол години и веќе се приклучи на новиот тим.
Зајков вели дека е многу среќен што ќе биде дел од еден амбициозен состав.
„Со задоволство ќе му помогнам на мојот нов тим да ги реализира највисоките цели. Се надевам дека моите вештини и искуство ќе бидат доволни за тоа“, изјави Зајков за официјалниот сајт на Ворскла.
Претходно, за Ворскла имаат настапувано Филип Деспотовски и Адис Јаховиќ.
