Лидерот на табелата во македонскиот шампионат, тимот на Шкупи, оствари триумф (2-1) над азербејџанскиот прволигаш Сумгајт на денешниот пријателски натпревар во Анталија. Составот на Гоце Седлоски одигра многу подобро отколку на првата контрола и на крајот забележа победа.
Марјан Радески беше стрелец на водечкиот гол за Шкупи во 37.минута. На почетокот на вториот дел Сумгајт успеа да израмни, но Сандеј Адетунџи во 66.минута погоди за ново водство, а и за конечен триумф на Шкупи на овој меч.
