Футсал репрезентацијата на Македонија убедливо загуби од Португалија со 9-0 на вториот пријателски натпревар. Актуелниот светски првак ја покажа силата, откако на првиот меч славеше со 3-1. На втората пресметка беа многу порасположени на голгетерски план.
По првото полувреме Португалија обезбеди предност од шест гола, а во вториот дел уште трипати ја тресеше мрежата на Македонија.
Фабио Сесилио, Пани Варела и Мигел Ангело беа двојни стрелци, а погодија и Бруно Коелјо, Зики Те и Еду.
