Германскиот првак Баерн Минхен го доживеа третиот пораз во Бундес-лигата оваа сезона. Проблемите со Ковид-19 го десеткуваат баварскиот тим, а тоа знаеше да го искористи Борусија Менхенгладбах која славеше со 1-2.
Роберт Левандовски погоди во 18.минута и сите помислија дека ќе биде тоа нов триумф за Баерн, но така не мислеа и гостите. Флоријан Нојхаус израмни само девет минути подоцна, а Стефан Лајмер во 31.минута се погрижи за пресврт.
Баерн Минхен и понатаму е сигурен на првото место на табелата со 43 бода, девет повеќе од Борусија Дортмунд.
