Роберт Левандовски ќе има нова можност да докаже дека сепак беше подобар од Лионел Меси во 2021 година. Овие двајца фудбалери, заедно со Мохамед Салах, се триото кое влезе во најтесна конкуренција за наградата „The Best” на ФИФА.
Полскиот интернационалец Роберт Левандовски беше добитник на признанието минатата година, а Лионел Меси ја доби оваа награда во 2019 година.
Египќанецот Мохамед Салах имаше одлични настапи за Ливерпул, но не успеа да освои трофеј со клубот, ниту со националниот тим, во годината што изминува. Токму затоа важи и за аутсајдер во ова трио.
