Македонија ЃП, Струга Трим Лум и Силекс се полуфиналисти во Купот на Македонија откако по изведување пенали беа подобри од фаворитите, Шкупи, Шкендија и Брегалница. Четвртиот патник во полуфиналето ќе биде познат откако ќе се одигра одложениот меч меѓу Пелистер и Вардар, поради снежните врнежи во Битола.
Патниците во полуфиналето на Купот на Македонија се решаваа по изведување пенали.
Македонија ЃП и Шкупи ремизираа без голови по 90 минути, а „лавовите“ беа многу посигурни изведувачи на пеналите и славеа со 4-1. Радески и Алварез не успеаја да погодат од белата точка за Шкупи.
Струга Трим Лум ја елиминира Шкендија во Тетово. По изведување пенали победија со 3-4, откако исто така немаше голови во регуларниот тек.
Силекс ја елиминира Брегалница, по изведување пенали со 5-4, откако мечот заврши 1-1. Ѓокиќ погоди за штипјани, а израмни Каланоски. Херој на пеналите беше голманот Даниел Божиновски. Тој го одбрани петтиот пенал на Марјан Алтипармаковски кој беше решавачки. Претходно, не успеаја да реализираат и Стојчевски за Силекс и Азиновиќ за Брегалница.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski