Италијанскиот калчолигаш Интер сака да се засили во зимскиот преоден рок со двајца фудбалери од репрезентацијата на нашиот северен сосед. Тренерот Симоне Инзаги им фрли око на двајца офанзивни фудбалери ос селекцијата на Драган Стојковиќ Пикси и побара од директорот Марота да ги доведе во Интер. Се работи за Филип Костиќ и за Лука Јовиќ.
Костиќ беше во преговори со Лацио, но сега во преден план е негов трансфер во Интер. Италијанците ќе платат само 10 милиони евра отштета со оглед дека тој влезе во последната година од актуелниот договор со Ајнтрахт Франкфурт.
Лука Јовиќ речиси и да нема минутажа во Реал Мадрид и сака да си замине, а Интер за него ќе биде добра опција. Тој би требало да биде наследникот на Един Џеко.
Интер ќе го обезбеди и голманот Андре Онана од Ајакс, тој треба да ја преземе позицијата на голот од ветеранот Самир Хандановиќ.
