Францускиот напаѓач Карим Бензема уште еднаш отворено истакна дека посакува да игра во тандем со Килијан Мбапе во Реал Мадрид. Тој е воодушевен од талентот на Мбапе со кој игра заедно во репрезентацијата по неговото враќање меѓу „триколорите“.
Договорот на Мбапе со ПСЖ истекува на крајот на актуелната сезона, а веќе од јануари има можност да води преговара со заинтересираните клубови.
„Го сакам Килијан во Реал Мадрид. Го кажав тоа и претходно, ќе го кажам повторно. Секако дека сакам да дојде и да играме заедно во тандем. Еден ден тоа сигурно ќе се случи“, изјави Бензема.
