Милан без Флоренци во наредните триесетина дена

Италијанскиот калчолигаш Милан ќе биде без услугите на Алесандро Флоренци во наредните триесетина дена. Тој заработи повреда на менискусот на коленото и мораше да замине на артроскопска операција. Се очекува да се врати на теренот за околу четири седмици.

Милан по шест одиграни кола во Серија А се наоѓа на второто место, а на „росонерите“ сега им следат дуели со Аталанта, Верона, Болоња и со Торино. Флоренци ќе ги пропушти сите овие мечеви.