Легендарниот голман на Валенсија, Сантијаго Кањизарес, се присети на соработката со Роналдо Куман. Тој во разговор за шпанските медиуми ја повтори неговата поранешна изјава дека Куман е најлошиот тренер со кој работел во кариерата.
„Бранев во Валенсија десет години и во тој период работев со осум различни тренери. Роналд Куман беше убедливо најлошиот тренер со кој сум работел во мојата кариера. Тој не знаеше како да управува со тимот, ниту пак да донесе правилна одлука. Тактички, Куман не знаеше да ги објасни основните упатства за тоа што се очекува од фудбалерите на теренот. Во исто време, тој беше очаен во физичката подготовка на тимот“, изјави Кањизарес.
Интересно, се што кажа голманот се повтори во Барселона. Каталонските медиуми денеска открија дека влијателен играч од соблекувалната потенцирал како на никого не му се јасни тактичките упатства на Куман и дека повеќето играчи не разбираат што треба да играат. Исто така, Холанѓанецот мртов ладен изјави дека тимот не е физички подготвен како тој да не е одговорен за тоа, а го предводи и го тренира тимот веќе 13 месеци.
