Возбудливо реми меѓу Болоња и Џенова, дваесетина минути за Пандев

Болоња и Џенова одиграа возбудлив натпревар и ремизираа 2-2 на „Ренато Дал’ Ара“. Македонскиот интернационалец Горан Пандев доби шанса во последните дваесетина минути од овој меч на местото на Хернани.

Арон Хики во 49.минута ја доведе Болоња во водство, а израмни Матија Дестро шест минути подоцна.

Во финишот, два пенали. Во 85.минута Марко Арнаутовиќ погоди за предност на Болоња, но четири минути подоцна беше досудена најстрога казна и за Џенова, а сигурен реализатор беше Доменико Кришчито.