Англискиот премиерлигаш Манчестер Јунајтед подготвува нова спектакуларна понуда за Пол Погба. Доколку ја прифати, францускиот играч за врска ќе стане најплатениот играч во историјата на англискиот фудбал.
Според медиумите на Островот, неговата неделна плата би изнесувала 470.000 фунти.
Кевин де Бруин од Манчестер Сити имаше највисока плата досега оваа сезона, околу 400.000 фунти неделно. Но, по враќањето на „Олд Трафорд“, најплатениот играч е Кристијано Роналдо, кој има околу 450.000 фунти неделно.
Погба имаше одличен почеток на сезоната. Има дури седум асистенции во првите пет кола, а Манчестер Јунајтед сака да го задржи во тимот.
